පුබුදු ජනතාවගේ වාර්ෂික රැළිය ශුද්ධාත්ම ආගමන මංගල මහෝත්සවය යි. දෙවන වතිකාන කතිකාවතෙන් පණ ගැන්වූ සභා නවෝදයේ පෙරළිකාරයාණෝ ශුද්ධාත්මයාණන් වහන්සේම ය. දේව වන්දනා වසර තුළ පෙන්තකොස්ත මංගල්‍යය තවත් එක් සැමරුම් මංගල්‍යයක් පමණක් වී තිබූ යුගයක ශුද්ධාත්ම පෙරළියේ බලමහිමයෙන් ජීවිත කලඹන, ජීවිත එතෙර කරවන අත්දැකීමක් මෙරට කිතුණුවා ස්පර්ශ කරන්නේ ශුද්ධාත්ම මහා මංගල්‍යයත් සමඟිනි. කිතු දන පුබුදුව ආරම්භක වසර 1971 ලෙස සනිටුහන් වුවද සංවිධානාත්මක ව ශුද්ධාත්ම රැළිය පැවැත්වූ ආරම්භක වසර 1975 වසරයි. එම වසරේ සිට සෑම වසරකම ප‍්‍රධාන තේමාවක් මුල් කරගෙන ශ‍්‍රී ලංකාද්වීපය පුරා විසිරී පැතිරී සිටින ජනතාව ඒකරාශි වන කිතු දන පුබුදු ජාතික මංගල මහෝත්සවය මෙය වේ. ඉතිහාසය පුරා වාර්ෂික තේමාව අනාවරණයක් බව පුබුදු ජනතාවගේ විශ්වාසයයි. වසර 49 ක් පුරා පුබුදු ජනතාවට ලැබී තිබෙන තේමාවන් වාර්ෂිකව ජීවත්වීම සඳහා ලැබෙන දේව වචනයක් කොට පිළිගනු ලබයි. මෙම වචනය තුළ වසර පුරා ජීවත් වීමට විවිධ මගපෙන්වීම්, පණිවිඩ ලබා දෙන වැඩ පිළිවෙලක් කිතු දන පුබුදු සම්ප‍්‍රදාය තුළම ගොඩනැගී ඇත.

ශුද්ධාත්ම ආගමන මංගල මහෝත්සව වාර්ෂික තේමාවන්

වසර	තේමාව
1975	මෘදු සිත් ඇත්තෝ භාග්‍යවන්තයෝය
1976	සමිඳුන් සමඟින් සභාව ගොඩනඟමු!
1977	යන්න! සකල ජාතීන් මාගේ ගෝලයන් කරන්න!
1978	ඔවුන් වහන්සේගේ තේජශ්‍රීය දුටිමු!
1979	සොහොයුර - සොයුරිය! ඔබ තුළ කිතු සමිඳුන් දකිම් මම්!
1980	ඔබගේ රාජ්‍යය පැමිණේවා!
1981	ඔබ ශ්‍රී නාමය සුවිශුද්ධ වේවා!
1982	අබ්බා තාත්තා!
1983	අබ්බා අම්මා!
1984	ප‍්‍රසන්න වෙමි මම පුතුනි මගේ!
1985	ඔබ මාගේ පුත‍්‍රයා ය; මම අද ඔබ ජනිත කළෙමි!
1986	සත්‍යය ඔබව නිදහස් කරයි!
1987	මා අනුව එන්න; මම ඔබ ආලේප කරමි!
1988	යුක්තිය උදෙසා පීඩා විඳින භාග්‍යවතුනි, මම විගස එමි!
1989	කිතුනුවෙනි, දිළිඳුන්ගේ සභාව වෙමු අපි!
1990	සොරකම් නොකරව්!
1991	ජේසුස් කි‍්‍රස්තුන් වහන්සේ එකම ස්වාමියාණෝ ය!
1992	අපි මරිය තුමිය වාගේ වෙමු!
1993	ශුද්ධාත්මයාණන්ගෙන් පූර්ණ වන්න!
1994	මා කළා සේ ඔබත් සෝදන්න පාද එකිනෙකාගේ!
1995	සමිඳාණන්ගේ මහිමාලංකාරය ඔබ පිට බැබළේ!
1996	අපට නොව, අපට නොව මහිමය ඔබටයි!
1997	ඇවිත් බලන්න!
1998	රාජ්‍යය සඳහා ජනතාවක්!
1999	ස්තූතියි පියාණෙනි!
2000	මම ඔබ ගැන ප‍්‍රසන්නයි පුතේ, තාත්තේ!
2001	මනුෂ්‍ය පුත‍්‍රයා - දේව පුත‍්‍රයා!
2002	මෙන්න ඔබේ අම්මා!
2003	මට පිපාසයි!
2004	වෙරළේ නොරැඳී දියඹට දියත් කරන්න!
2005	ඔබ ලෝකයෙහි සිටියත්, ලෝකයට අයිති නැත!
2006	වඩිනු මැනවි මැවුම්කරුවාණන් වූ සුදතුනි, සමූලික පරිණාමනයක් සඳහා!
2007	ඔබ වහන්සේ අභිමුව පෙනී සිටිමි!
2008	එන්න! යන්න! එහෙත් ඉන්න!
2009	චතුරාර්ය ප්‍රේමය අපි භෝජනය කර ගනිමු!
2010	ඔබ වහන්සේගේ කැමැත්ත හැර මට අන් කිසිත් නැත!
2011	ශුද්ධාත්මයාණෙනි, මම ඔබ වහන්සේට වන්දනා නමස්කාර කරමි, මා කළ යුතු දේ කුමක් දැයි මට අණ කළ මැනව!
2012	ඔබ වහන්සේගේ වචනය හැර අන් කිසිත් නැත!
2013	සමිඳුනි, ඔබ වහන්සේගේ විශ්වාසය මට - අපට...!
2014	සමිඳුනි, ඔබ වහන්සේ කෙරෙහි බලාපොරොත්තුව තබමු!
2015	සමිඳුනි, ඔබ වහන්සේගේ ප්‍රේමයෙන් බිඳක් අපට ඇත්නම්!
2016	සමිඳාණන් වහන්සේ ඔබ සමඟ වන සේක. අවදිවන්න!
2017	ඔබ වහන්සේගේ ශුද්ධවූ කැමැත්ත අපට හෙළි කළ මැනව!
2018	ඔබ වහන්සේගේ වචනය ද කැමැත්ත ද ගින්නකි; ආශීර්වාදයකි!
2019	අබ්බා තාත්තේ! අබ්බා අම්මේ!
2020	මරියෝත්තමාවෙනි! පරමෝත්තමයාණන්ගේ ආනුභාවය ඔබ වසා ගන්නේ ය!
2021	ජේසුස් ක‍්‍රිස්තුන් වහන්සේ ස්වාමියාණෝ ය!
2022	සේනාකුළු ශාලාවට ඇතුළු වී ශුද්ධාත්මයාණන් වහන්සේගේ රිද්මයට පා තබමු